Միջազգային կապեր

Եվրոպայի կատարակտալ և ռեֆրակցիոն վիրաբույժների միություն

Ֆրանսիայի ակնաբույժների միություն (SFO)

Լիոնի Աչք և Ցանցաթաղանթ կոնգրես (LOR)

Lyon-Œil-Rétine  միջազգային ակնաբուժական կոնգրեսը հանդիսանում է ֆրանսախոս աշխարհի առաջատար գիտական հարթակներից մեկը՝ հատկապես ռետինայի և հետին հատվածի հիվանդությունների ոլորտում։
Մեր համագործակցությունը LOR կոնգրեսի հետ նպաստում է միջազգային գիտական կապերի ամրապնդմանը ոչ միայն կատարակտալ և ռեֆրակցիոն ոլորտում։ Այն նաև խրախուսում է միջազգային փորձագետների մասնակցությունը մեր գիտաժողովներին և համատեղ կրթական նախաձեռնություններին։

Սպիտակ գիշերներ միջազգային ակնաբուժական կոնգրես

«Սպիտակ գիշերներ» միջազգային ակնաբուժական կոնգրեսը հանդիսանում է տարածաշրջանի կարևոր գիտական հարթակներից մեկը՝ միավորելով ակնաբուժության տարբեր ենթամասնագիտությունների առաջատար մասնագետների։ Այս համագործակցությունը հնարավորություն է տալիս մեր անդամներին գտնվել շարունակական կապի մեջ նաև մեր ռուս գործընկերների հետ և ոգևորում է նրանց մասնակցությունը Սանկտ-Պետերբուրգում ընթացող հեղինակավոր և միջազգային ճանաչում ունեցող «Սպիտակ Գիշերներ» ամենամյա ակնաբուժական համաժողովներին։

Եվրոպական աչքի բանկերի ասոցիացիա (EEBA)

EEBA-ն եվրոպական առաջատար մասնագիտական կազմակերպություն է, որը
միավորում է աչքի բանկերը և ոլորտի մասնագետներին՝ նպաստելով աչքի
հյուսվածքների հավաքագրման, մշակման, պահպանման և բաշխման բարձր
որակի ստանդարտների ներդրմանը։
2025 թ․-ի հունվար ամսից ArSCRS-ը համագործակցում է EEBA-ի հետ՝ նպատակ
ունենալով զարգացնել աչքի հյուսվածքների բանկային համակարգը
Հայաստանում, խթանել գիտական փոխանակումը և ներդնել միջազգային
լավագույն փորձը եղջերաթաղանթի փոխպատվաստման և հյուսվածքային
անվտանգության ոլորտում։